ومازال حوارى جارى / للشاعر المبدع أشرف سعد
السلام عليكم ورحمة الله تعالى وبركاته
ومازال حوارى جارى
مع نهر الشعر سارى
حوار رقم (3)
قالت....
حبيتك من كل كيانى
حسيتك روحى وحنانى
حسيتك عقلى وجنانى
مش عارفه إيه إللى رمانى
يا ما نفسى أجيلك وأقرب
يا حبيبى ولا عمرى اتهرب
واشرب من بحر هواك أشرب
ولا بعدك أتهنى وأعيش
غير حبك فى الدنيا مليش
ومن تانى أحبك من تانى
ولا أشبع أبدا من حبك
يا حبيبى ما تكنش أنانى
وافتح لطيور الهوى قلبك
قلت ....
حبيتنى من كل كيانها
غمرتنى بروحها ووجدانها
حستنى أنا كل أملها
حستنى عقلها وجنانها
تتمنى تجيلى وتقرب
تتهنى معايا ولا تهرب
وتشرب من بحر هوايا تشرب
ولا هقدر على بعدك ثانيه
وأنا راجع قربك حاجه تانيه
وياكى نعيش أحلام وأفراح
وقلبى التعبان بيكون مرتاح
أشرف سعد
نسخ الرابط | |
نسخ للمواقع |