مستحيل // بقلم - صفاءعبد ربه
السلام عليكم ورحمة الله تعالى وبركاته
 |
مستحيل // بقلم - صفاءعبد ربه |
مستحيل
عايز تقول إنك نسيتني
مستحيل
مستحيل تقدر تستغني عني
لو أقسمت ١٠٠ يمين
مستحيل
دا إللي بينا
عشرة سنين وسنين
إنت فاكر لما تعند
ولا تبعد
لما تغدر وتهجر
إنك هاتكون سعيد
لالا مستحيل
دا إللي بينا حاجات كتير
إرجع للذكريات
ومع نفسك خد وهات
هاتلاقيني في كل حاجه
كنت دايما معاك
مش سيباك
هاتحس بروحي حواليك
بقلقي وخوفي عليك
هاتلاقي قلبي كان ملك ليك
عايز تقول إنك نسيتني
إنساني
إنسي الأمال والأماني
إنسي عهدي وزماني
إنسي عمري اللي غالي
وبلاش إنك تنام
وتقول تمام
وتعيد الحلم من تاني
ويضيع منك في ثواني
وتلاقي نفسك وحيد
مش معايا أنا بالتحديد
وتكون مع حد غيري
لكن قلبك مازال أسيري
ملك إيدي
وتعيش الغربه وسط أهلك
تحصد نتاج خيارك وجهلك
مش القسمه والنصيب
وساعتها جواك راح تجدني
وإنت واهم إنك نسيتني
واهم إنك نسيتني
بقلمي
صفاءعبد ربه
| نسخ الرابط | |
| نسخ للمواقع |
0 التعليقات
