صباح الخير على عيونك / للشاعرة رضا عبدالوهاب
السلام عليكم ورحمة الله تعالى وبركاته
صباح الخير على عيونك / للشاعرة رضا عبدالوهاب |
صباح الخير على عيونك صباح النصر
صباح النور والفرحة ياست الكل
إنت,,,,,,,,,,,,,,,,,,,,,يامصر
وحشتيني ,,,,,,,,,,أيوا وحشتيني
تعدي أيام وأنا خايف حزين تعبان
وأنا شايفك كِيف المدبوح على صدري
لا أنا قادر أرجَع روحك تعود فيكِ
ولا عارف أزوغ وأجري,,وأنا عارفك
ماترضي تشيِّلي همك ,,ولا حد يشوف
دمعك ,,,بس أنا ابنك ,,من لحمك
ومن دمك ,,وقبل ماتنطقي حاسك
حلفت ما أرجع إلا وأنا في إيدي النصر
وقسمنا وبدِّلنا ,,وبعترنا مالملمنا ,,وكفرنا
وأسلمنا ,,وأصبحنا كما الفريقين
ندوس فوقك ,,ونتسابق ,,حرقناكِ بغباوة
وخوف وسيبنا الناروالعة فى أركانك
ونتشابك,,, ونتعارك ولا لقيتى حد فى ركابك
كنا كما الأشباح على الأشواك مشونا عمونا
وغمونا وأنا ما أرضاش ياست الكل يابهية
أشوفك قاعدة مكسورة ,,,محسورة يامصر
يا أمي ياأبية وبعدالليل لقيت الصبح بيشقشق
على راسك وثورة تفور على بابك ومن تاني
يعود الفرح لجنابك ,,ويعود الحق بولادك
ولولادك وأنا على جبيينك,,,, زرعت الفل
والياسمين وتحت قدامك تهون روحي ولوحتى
هيبقى مين وأنا وإنتِ فى حضن بعض هنتلاقى
هنتعافىّ وعلمك تاج على راسك يلفك وأزفك
عروسة محروسة بتوب أبيض بلون قلبك
واسألو كل اللى راح فين راح ,,وعدى قوم وأقف
ياتاريخ نقطة نظام سطَّر وقول كلمتك لكل العوام
واحكى يادنيا وعبَّري ماتبخلي يامصر ليكِ
مننا تعظيم سلام وتعيشي يابلدي عزيزة ندية
مرفرف علمك طول الدوام وتحيا مصر ألف تحية
وألف سلام (جزء من قصيدةصباح النصر26/7/2013)
نسخ الرابط | |
نسخ للمواقع |