اخرك معانا يا دنيا لفين_غناية بقلم/رضا عبده

من ديوان الاشجار تموت واقفة

اخرك معانا يا دنيا لفين
يامدوخانا شمال ويمين
سبينا نفرح لو حتى يوم
دى العيشه فيكى ملهاش لزوم
والاسم بس اننا عايشين
اخرك معانا يا دنيا لفين

وخدانا يا دنيا ف دوامة
ياما شفنا فيكى عذاب ياما
بنلف وندور ع الفاضى
ولا لينا حاضر ولا ماضى
والجرح ف قلوبنا علامة

العمر.. راح مش حسينه
ملعون الفقر على. سنينه
نتعب ..ونشقى ..ونداين
وشقانا فيكى مهوش باين
حتى الرغيف مش لاقيينه

راضيين بحياتنا وساكتين
لابنشكى ..ولا بنقول فين
الجرح يذود ..ف همومنا
نبات .والدمع ..فى.عيونا
وبنحمد... رب ..العالمين
اخرك معانا يا .دنيا لفين

رضا عبده