طفلة بريئة_بقلم/ عبيد رياض محمد

*****طفلة بريئة*****

نفسي أكلم بابا واحشني

و الأيام عنه بتبعدني

نفسي يا ماما ااقوله واحشني

أمتي هتيجي يا بابا تشوفني

دي الأيام من غيرك صعبة

نفسي تكون جنبي تونسني

أصل الدنيا دي صبحت غابة

فيها الناس نفسها تنهشني

بابا حبيبي رد عليا

قول إنك جنبي بتحرصني

رد عليا صوت واحد تاني

قالي أستني يا عمو ثواني

قلت ياعمو بابا فين

أصله أتأخر و بقالي يومين

أنا مش عارفة بابا فين

بابا يا عمو في الفجرية

كان طالع في المأمورية

إحنا رجعنا و هو إستني شوية

لما رجعنا عليه بنادي

كان بيقول أموت أموت و تحيا بلادي

بس أمانة تقولوا لأولادي

إني عشانهم وهبت حياتي

بقلمي / عبيد رياض محمد
30/4/2016