محتاجة حضن من المطر_الشاعروحيد راغب

(محتاجة حضن من المطر)
اضطرارى 
نزولى ليك وقت الجرس 
والمحطة فيها مخبر 
ف الميدالية 
وفون وشلة م الحرس
وباعة تنده فك ضيقك
اشرب سفن
دخن سيجارة ف القفص
خرج همومك م المناخر
وانفخ شفايفك
بالعبس
ليلة القمر
وحواوشة ..
قرصة ف الخدود
الدنيا تنزل
والقصص
مين قطع الأحبال
وناشر صولته
فوق الرموش
صهلل بكاس النور
واياك تلخبط ف الرتوش
عالى المقام
برسم وسام
والضحكة خضرة
للعوام
فدادين هواك اتجزأت
واللى وصل
ف اديك قيراط
طفحت عيونك
م الوجع حتى خجل
منها العياط
القلب شاط
واتفحم الأمل اللى ساكن
ف النشاط
برميل زعل
والملح كافى للتجارة
وجيوب بتلحس ف البلاط
اضطرارى
هافتل غنا
على وسط قلبك
واكتب موسيقى بالحروف
واعمل مدينة للمناسك
والقطوف
هابيع كلام
وشرايا بفقس
ف المنام
جمبرى بيضخ طاقة ف الوريد
والاستاكوزا والبلح
وغذاء مليكة بيقترح
سهمين بشاشة للهشاشة
وروح بيدعكها النزوح
ما بتنشرح
الطقس غيَّر دولته
وف بدلته إعصار
بيقلع ف المرح
جرف الهنا والشوف لبكرة
والوجود
عضيت لسانى م العهود
اللى حروفها اتبعترت
وبلعنا منها ألف قرص
ومفيش علاج
هاج الرتاج
واستأسد المرض اللىوسع دايرته بين النجوم
وبين القمر
اياك يا بحر ما تنزجر
النول بغزله
مش حكاوى بتتعصر
الأرض فاتحة صدرها
محتاجة حضن من المطر
الشاعروحيد راغب