مسكين ياقلبي (بقلم) خالدالمنصوري
السلام عليكم ورحمة الله تعالى وبركاته
مسكين ياقلبي
خالدالمنصوري
من بيـن القلــوب قـلبى انا مسكين
عـايــش وحـيد ســاكن ليله الحزين
راضــى ولا عـمــره مـــره اشـتــكى
عايـش ف أحــزانه مهموم سـجيــن
مسكين ياقلبي
لا قلب ضمك ولا حد احتواك
شايل همك وشبت بدرى
مسكين يا قلبى
تروح وتيجى المحن والبسمة ما بتغيب
شايف مرار الالم ويقوله انت حبيب
ما هو صاحب ملازم ما بيروح لبعيــد!
وليه تكون الشــكوى دا مقدر ونصيب
مسكين ياقلبي
طيب قولى هتعمل اية
لو دق الحب بابك
هتروح تجرى علية
ولا هتقفل فى وشة بابك
مسكين ياقلبي
ياللى بتلوم ع الحزين مالك انت وماله
لـو فيـوم تجـرب تعيــش انــت مكـانــه
هتهون عليك دمعتك وما تلوم عليه تانى
سـاعتها هتقول ياريت ماعشـت زمانه
مسكين ياقلبي
من جوه سجنى هنا معاكم بحكى وبتكلم
كلام طالع من القلب يمكن منه نتعلم !
السجن مش سجان ولامسجون ورا قضبان
السجن ممكن يكــون إحســاس منه بنتألم
مسكين ياقلبي
ياللى بتشكى م الألم تعالى قرب هنا عندى
نحــاول نضحك من القلب اهى ايام وتعدى
ليه من الزمن تشكى وبإيه تفيد شــكواك ؟
رفعت لك يارب يـدى.. انت وحـدك سندى
مسكين يا قلبى
خالدالمنصوري
27/4/2016
| نسخ الرابط | |
| نسخ للمواقع |
0 التعليقات
