غزالي // للمبدعة زينب ابوالفتوح
السلام عليكم ورحمة الله تعالى وبركاته
غزالي // للمبدعة زينب ابوالفتوح |
غزالي
غزالي اللي حكالي
عن حكاية…
الديابه والتعالب
واللي واقفين بالمخالب
واللي ايده طايله خالص
واللي مش عارف يوالس
الغزالي..
قال يا ورده ف
قصر عالي
منك انت شفت ستري
وفيكي انتي عشت غالي
يا سويس
يا أصيله ..انت غنوتنا
الجميله
مصر قالت احرسوها بالعيون
ارواحكوا ف ترابها تهون
السويس هيه ستري
هيه امني ..هيه قدري
بوابات كل التاريخ
سجل أحوال المسافر
واللي عدي ع القنال
وقبل ما يبقي المحال
كنتي برده
ضل داري
يا سويس …
اغلي غالي
ده الغزالي
اللي حكالي
عن حكاية حرب دايره
دايره تاكل ف الولاد
والولاد مش لقمه خايره
لأ داهما..كانوا البارود
والرصاصه
الحالفه تقلع
عين اليهود
(عضم ولادنا ..نلمه .نلمه
نسنه..نسنه
ونعمل منه مدافع ..و ندافع )
الغزالي اللي قاللي ..
يا عروسه لسه نونو
قبل ما عمرك يبانله
ف يوم شروق
احنا علمنا الصهاينه
ازاي تفوق
والادين اللي طالتنا
يوم وهدت عرش بيتنا
خليناها ..بدون عروق
طاطت الراس اللي قايمه
واللي رصدانا يوماتي
خليناها جته عايمه
ع القنال
دي السويس أرض النضال
يا مدينتي ..يا صابره
صالده..
ف التاريخ سيرتك
دي خالده
نن عين مصر الأبيه
حارسه سلامها
بالمدفعيه
ولابسه تاجها
بنور يلالي
الغزالي اللي حكالي
الغزالي
زينب ابو الفتوح –السويس -ابريل-2010
زينب أبو الفتوح
السويس
23\4\2010
نسخ الرابط | |
نسخ للمواقع |