ام الدنيا - بقلم / عونى هشام

ام الدنيا - بقلم / عونى هشام

ام الدنيا

=========== عونى هشام

شايله الحمول تلتلت 

والحمل فاض بيكى

كل البلاد اتستت

والدمع فى عنيكى

-----------------

يا بهيه قومى اتكلمى

ايه بس يرضيكى

مدى ايديكى وسلمى

المولى راعيكى

---------------

خاين سيبيه لربنا

جندك سنك ليكى

افعاله ما بتهزنا

والشعب حاميكى

------------------

يا بهيه قومى وانهضى

انا برضة شاريكى

لو بنا حد بيكرهك

بكرا هيبكيى

-----------------

يا بهيه دمعى بيوجعك

ودمعك بيوجع مين

نفسى حد يسمعك

الكل ودن بطين

---------------------

لو قسموكى انا هاجمعك

يا مصر يام الدين

مسلم مسيجى هايرفعك

ما يهمك الطامعين

---------------------

طمعان فى رحمة ربنا

يا قبلة للعالمين

بايديكى نمسح دمعنا

ونبقى متحدين

-----------------------

نزرع ونبنى فى ارضنا

والخير تشوفه العين

ننسى اللى راح يوم مننا

ونداوى جرح لعين

---------------------

يا مصر مين غيرك لنا

يا مصر مشتاقين

نرجع لاول عهدنا

ويعود صلاح الدين

==========

عونى هشام