يا عم الفلنتاين / للشاعر عبد الله الهوارى
السلام عليكم ورحمة الله تعالى وبركاته
 |
يا عم الفلنتاين / للشاعر عبد الله الهوارى |
يا عم الفلنتاين
جاى ليه ف ميعادك؟
عامل ليه للحب عيد..!!
الحبايب ف قربك وبعادك
نسيوا المواعيد
انا جبت دبدوب وحطيته قدامى
وجه حبيبى واخده و أنا ف منامى
يا عم الفلنتاين
خلاص العيد كان زمان وجبر
انا وحبيبى متخاصمين
ولا ما عندكش خبر
وكان يا ما كان
كان يوم عيدك حبيبى يقولى
فين عيديتى ياللا هاتلى وهاتلى
ونركب سوا موج الهوا ونتمخطر
ونفرش رمل البحر
وننقش فوقه اسماينا وتيجى الموجة تقشه
واقوله كلام شعر
ما اكتبوش كنت اقوله ف وشه
واقوله انا عايزك على طول ف حضنى
يقولى انا اموت... لو اتقدرلى بعادك
خلاص يا عم الفلنتاين
كان منه وخلص
روح الله يسهلك ...دورلك على قلب
ما يوكنش لسه فارق
صاحبك السنادى مفارق
ياعيد الحب جاى ليه ف ميعادك؟
__________
عبد الله الهوارى
| نسخ الرابط | |
| نسخ للمواقع |
0 التعليقات
