زين العابدين خضر يكتب _ علي جناح الهوى
السلام عليكم ورحمة الله تعالى وبركاته
زين العابدين خضر يكتب _ علي جناح الهوى |
وذكرى دنيا كدابه تمام زيك
وكلام الليل أكيد تعرف
مالوش فى الضي ولاَ فى النور
.
بقالي جناح كما الطائر باحب الهجره ف الأحلام
بعيد عن كل أوصافك وموج طبعك
وغدر الموج أكيد تعرف
بيقدر يغلب أحبابه وينسي الحب ف ثواني
بيقدر ينسي ويفرق مابين لاتنين
مابين الحب وغرامه وبين طبعه ساعة مايخون
.
كلام انشا حروف العشق اللى مصلوبه على الألسن
وعلى الصفحات وصوت الهاتف الكداب
ساعة ما يرن ويردد حروف إسمك
ألووو .. حنيه وصوت القلب معزوفه على الهادي
ألووو .. الشبكه مشغوله .. مافيش كلمه خلاص بينا
ياذكرى ناويه تخنقنى
ياكلام لسه بيتنطط على سطورنا بلاش تشهد
بلاش تكشف الكلمه ومعناها
ومين قالها ومين كان فاضي وبيسمع
وبيلون حروفها البيضه من غدره من الألوان
منين اللعب بالالفاظ هيصنع حب ويقرب قلوب أحباب
.
ياجناح الهوى المحتار تروح على فين
لفين ما تحط أنا رايح
وشايل صورة الماضي على الكفين
ياجناح مبتور
ياجناح من ذكري فى الرايحه وفى الجايه
وذكرى دنيا كدابه تمام زيك
وكلام الليل أكيد تعرف
مالوش فى الضي ولاَ فى النور
.
زين العابدين خضر
نسخ الرابط | |
نسخ للمواقع |