نفوس من خوفها تعبانه / للشاعر جهاد بدر

نفوس من خوفها تعبانه / للشاعر جهاد بدر

نفوس من خوفها تعبانه
بتكسر فينا ما بالضم

ما بين أحزانا غرقانه
بتملى جيوب براءة دم

و ليه أفعالنا حيرانه
كأن الموجه وسط اليم

بتهوى سنين مفارقانا
و عايشه الفتنه جوا الهم

عيون بالغدر شايفانا
و مين شايف ولاد العم

دا رب العرش سوانا
و مين نجانا وسط الهم

لا هى الجنه كارهانا
بتطرد دعوه وسط الظلم

و لا نار بالجمر تهوانا
بتحرق رحمه وسط الغم

يا رب الطاعه واحشانا
و إمتى الذنب يوم يتلم

برحمه و عفو ترعانا
و نلقى النعمه بينا تعُم

و تبعد دنيا طايلانا
و بعيونك يا رب تضُم

دى إيد الشر مليانه
بقسوة قلب وسط الدم

بقلم .. ‫#‏الشاعرجهادبدر‬