خزنة هموم (بقلم) احمد صبري

خزنة هموم
احمد صبري
-
إكشفي المتخبي فيكي متخافيش
بيني جزور الحقيقة
كلمي احلام عنيكي ماتسكتيش
إرفعي سعر الدقيقة
غلي روحك رخصيني
خلي إحساسك سعيد
الحكاية بينك وبيني
مقطوعة من حبل الوريد
-
عملت القلب خزنة هموم
وكتمت الشكوة بعيوني
حلمت يجي عليا يوم
واحب ناس بيحبوني
ومش هانكر انا ضليت
وياما مشيت ضد التيار
مفيش مرة انا حبيت
وكنت بحسن الإختيار
-
مش حنادي شمس تحرق
ولا قمرة شاردة مني
مهما اجري غيري يسبق
والاماني بعيدة عني
جيت اغني لقتني عاجز
والنتيجة محسبتهاش
غدر ممكن ظلم جايز
اصل فيا الصبر عاش
-
خزنة هموم يا قلبي إصبر
وعدي فوق مصالحهم
خاصم إنسى يلا إهجر
ولا تفكر تصالحهم
إرمي خيرك لبحرهم
وحوش الحمل التقيل
يضم غيرك حضنهم
 وانت هتلاقي البديل