¤<<{{..تايهه ف دنيايا..}}>>¤ للمبدعة 《امل صالح》
السلام عليكم ورحمة الله تعالى وبركاته
 |
¤<<{{..تايهه ف دنيايا..}}>>¤ للمبدعة 《امل صالح》 |
¤<<{{..تايهه ف دنيايا..}}>>¤
ملازماني ياأحزاني
وعايشه الغربه جوايا
باحس بضحكة مطفية
وفرحة ناقصها غنوايه--
وعيون حزينة مظلومة
ومش لاقيالها دمعاية
ضناها الجرح والحسرة
حرمها الحزن ضحكايا--
ولساااايا بتوه مني
ومش لاقياني جوايا
ولساااايا بخاف إني
مالاقي لقلبي مرسايا--
وأتوه في غربتك نفسي
ويصبح يأسي ملقايا
وانسي ملامحي ورسمي
مالاقي لنفسي لبداية--
وايه الحل ف حكايتي
وانا تايهه ف دنيايا
مانيش راسيه على بدايتي
ولا عارفالي لنهاية--
بقلمي..
《امل صالح》
| نسخ الرابط | |
| نسخ للمواقع |
0 التعليقات
