بعيد عن كل من هانوا // (بقلم) هاتي آدم

بعيد عن كل من هانوا // (بقلم) هاتي آدم

بعيد عن كل من هانوا

و خانوا الوعد بمذله

عافرنا بشوق فى سكتهم

و عافروا يكسروا القله

بعيد عن وعد بقى ذكرى

غرام كان دنيا بقى نكره

أنا الموعود بنسيانهم

برغم عنادى و عتادى

كائن قدره الوجع منهم

حبايبى بيقلبوا أعادى

أنا خيال ضل مات صاحبه

روحى إتفقت مع البايعين

سابتنى فى جرح لو أعاتبه

بيطرح شعر لونه حزين

عن الثوره اللى فى ضلوعى

و مش لاقيه فى ميدانى ضله

هأعيش و هأموت على مبادئى

و عمرى ما أغير المله

‫#‏هانى_آدم‬