النيل مجافى الاراضى (رفيق القلم) سيد صميده

النيل مجافى الاراضى (رفيق القلم) سيد صميده

النيل مجافى الاراضى

رافض يحن عليها

تاركها الشوق قاتلها

لنقطه تروى وريدها

النيل مخاصمها ولا

حالف ما يرضى عليها

من امتى عاصى يا نيلنا

وحد عصاك علينا

من بعد ما كنت ثاير

ترمى بخيرك علينا

صبحت قاسى معاند

رافض تمر علينا

تروى حلوق الاراضى

وتجود بفيضك علينا

عملنا ايه لاجل تعصى

وتزيد قساوتك علينا

من بعد عهد الخليفه

وبطاقته اللى بعتها

ورماها فيك وانتهيا

راجع تخالف عهودك

وتبيع وتقسا علينا

الله يسامحك يا نيلنا

يا اللى مبكى عنينا

دايره السواقى وراجعه

فاضيه وف صوتها واجعه

تنعق والنعقه راجعه

بدموع قسانا وعنينا

يا نيل جاوب وصارح

وقولى ايه الحكايه

ناوى تخاصم وتهجر

وتبيع وتبدى النهايه

ولا فى ايد خفيه

بترسم هى البدايه

انطق وجاوب يا نيلنا

واحكى وفضفض معايا

رفيق القلم

سيد صميده