مين بنى مصر ؟! للشاعر بهاء الدين بدوي
السلام عليكم ورحمة الله تعالى وبركاته
 |
مين بنى مصر ؟! للشاعر بهاء الدين بدوي |
مين بنى مصر ؟!
~*~*~*~*~*~
قالوا اللّي بنى مصر
آل ايه .. كان حلواني !
...
وانا قلت دا اللي بناهـا
شعب كان بيعاني
...
على كتفه شال الحجر
والصبر له معاني
...
لاعمره يوم اشتكى
ولا قال في يوم آه ياني
...
قريت كتاب الأغـاني
لأبو الفرج أصفهاني
...
ومفاكهة الخلان
للكاتب ابن طولون
...
وكمان تاريـخ الجبرتي
ودرست مـن تاني
...
من عصر مينا وأحمس
وفرنجة مع عثماني
...
طول عمره كان يتسرق
ويسامح الجاني
...
لكن في لحظة غضب
حقه يعود تاني
...
وأرضه شرفه وعرضه
لاكاني ولامانـي ..
...
شعب مالوش كتالوج
ودماغه عجباني
...
واللي بني مصر
ماكانش حلواني
~*~*~*~*~*~*~
| نسخ الرابط | |
| نسخ للمواقع |
0 التعليقات
