اشوفك مرة(بقلم) عبد الله الهوارى
السلام عليكم ورحمة الله تعالى وبركاته
اشوفك مرة(بقلم) عبد الله الهوارى |
القلب كاويه الشوق ..... يا طافية ناره بنظرة
مكبل بحبل وطوق..سكران وطالت السكرة
ليه البعد يا حليوة
يام الهوى غنيوة
بين لأ وبين ايوة
سأل امبارح بكرة
يا ام الشوق تراتيل .. يا شعر سواد الليل
تاه منى السبيل ..... والصبر حبله طويل
بيقولوا الصبر حلو
صبرت ما احلوش
بيطلع فاضى الدلو
وبرضه ما باملش
عيونى ف عز النوم
تشوف طيفك فترمش
يوم ورا يوم ورا يوم
خايف اموت يا حليوة
ما اشوفكش وما أضمش
اشوفك بس مرة ........مرة واحدة
بعدها اموت ما يهمش
___________________
اشوفك مرة
عبد الله الهوارى
نسخ الرابط | |
نسخ للمواقع |