أسف يا أمي / بقلم : @@ عمرو هيرو
السلام عليكم ورحمة الله تعالى وبركاته
أسف يا أمي
-=-=-=-=-=-=-=
أنا أسف يا أمي ..
نسيت أسأل عليكِ ..
سامحيني لو لمرة ..
بجد أبوس إيديكِ ..
هربت وقلت نفسي ..
مع انك إنتي نفسيِ ..
ورجعت أشتاق إليكِ
أسف يا أمي ..
كنت علي الشوك بخطي ..
مش عارف حتى شطي ..
ومفيش في إيديا حيلة ..
غير الذكري الجميلة
أسف يا أمي ..
زمان ...
زمان أنا كنت عايش ..
ولا إنتي كنتي ناسية ..
قلتي ..
يا حبيبي سافر ..
الدُنيا علينا قاسية ..
شايفاني شاب طايش ..
فاكره المنديل البني ..
العُقد والغوايش ...
صممتي عليا ..
أبعهم ..
مع إنك محتا جلهم ..
أسف يا أمي .. أسف يا أمي
وصليتني المطار ...!
بجد مش هزار ...
مش ده كان اختيارك ..
مش قلتي وده قرارك
ورجعت اليوم عشانك ..
ومعاية فلوس كتيرة ..
هعملك العملية ...
في المستشفي الكبيرة ..
إنتي مهما تكوني أمي ..
إنتي عندي كل عمري ..
أسف يا أمي ..
إنتي ليه يا أمي ساكتة ...؟
وجسمك ليه مثلج ...؟
جايبينلك ليه دكتور ...؟
ومشغلين قرءان ...؟
ومولعين بخور ...؟
إوعاك تكوني موتي ..
والدنيا بحلها فوتي ..
ياخسارة الليالي ..
والعُمر والسنين ..
صعبان عليا حالي ..
ومفيش غير الحنين ..
ابكي ياعيني دموع ..
مخلاص مفيش رجوع ..
راحت خلاص حبيبتي ..
وانتهي الموضوع ....!!!
-=-=-=- أسف يا أمي =-=-=-=
بقلم الرائع @@ عمرو هيرو
نسخ الرابط | |
نسخ للمواقع |