النهارده ...........!!!!! سمر علي

النهارده ...........!!!!!
النهارده يا حبيبي 
عندى عيد 
لما شفتك ف لحظه 
رجعتلي الحياة
و بحبك من تاني
بدأت أعيد
والقلب وياك حس بهواه
كنت فاكره
أن العمر عدى وفات

بس عمري من النهارده
إبتدى بيك
حاسه نفسي
لسه ببدأ من جديد
بعد ما نسيني الغرام
بعد ما عدت سنين
والسنين فاتت أوام
جوا مني النبض
يصرخ الف آآه
كان زمان النبض يهرب
وكل حلو مني ضاع
اللي فاتني
واللي خاني
واللي باع

من النهارده يا حبيبي
نسيت معاك كل اللي فات
كل ماضي
وكل أوجاع الذكريات
بلمسة واحدة من أيديك
قلبي حس بنبض قلبك
لما شوفت شوق عينيك
جوا حضنك ياحبيبي قلبي تاه
كل نبضه بحس بيك

من النهارده عهد منك
و وعد ليك
أوعي في يوم عني تغيب
أو في لحظة تهجر قلبي
او تروح تنسى حبي
او بحبي مرة تغدر
و تنسي في لحظه
اللي شاريك

و اوعدك يا كل عمرى
اني اكون في الصبح نورك
وابقي قمرك في سما ليليك
أوعدك عمري يوم 
ماأنسي حبك
عمري مايفارقني حضنك
كل ثانيه هكون معاك
ابقي نبضك 
و دوا لنبض هواك
سمر علي