ما بين أيامى و ايامها // للـ ‫#‏الشاعرجهادبدر‬

ما بين أيامى و ايامها // للـ ‫#‏الشاعرجهادبدر‬

ما بين أيامى و ايامها
هاتفضل فاكره لمتنا

دى فيها الضحكه بتهوّن
و منها الكلمه تسعدنا

و عُمر القلب ما يخوِّن
و صوت شعراوى يعرفنا

لأرضك لسه موالى
و لسه أدان بيجمعنا

و لسه يا غاليه أولادى
بيدعوا المولى ينصرنا

و لسه الإبن و الأشهاد
و لسه الشهد مطعمنا

و بين الغدر و الأوغاد
و إبن العم بيبعنا

عشان هيكلهم المزعوم
بينزف دم لعيدانا ؟؟

أنا سامع صلاة العيد
وصوت توحيد بأزمانا

أنا سامع صهيل الخيل
صليل و السيف يرجعنا

و بين الظلم و المسافات
نهاية كل أوجاعنا

يا طه لسه خيبرهم
و لسه السيل مروعنا

يا سيف العدل يا مسلول
على الظالم تفرحنا

كفايه الفرح بات مشلول
بصوت الظلم يوجعنا

فى قدس أنين بلاد الشام
بدجله الذل بِعراقنا

بحاكم ما عجب أندال
و ليه الشجب غرقنا

فى تونس فر مـ الميدان
و عُمر المال ما يجمعنا

و حاكم ساب ميدان لعيال
و ساب أوجاع بتوجعنا

و حاكم مات وساب أدغال
ما بينها الهم حاوطنا

و حاكم جه عشان المال
و صاحب حوثى روعنا

و ليه يا سوريا بختك مال
و إمتى العِند يسمعنا

زمااااااااااان بحكاوى جدتنا
كلام و القول بيسعدنا

لا كان المول فى حتتنا
و لا الهيبر يراقبنا

بلقمة مِشّ نتراضى
و حتة جبنه تعجبنا

و كانت جدتى الجنه
فى عز البرد تجمعنا

ما فارقت ضحكه تجاعيدها
و وسط كلامها تسمعنا

نسيتى يا جده تقوليلى
هاييجى زمان يكفرنا

نسيتى تغنى مواويلى
ماشوفتيش يومها أحزانا

و كنتى تقولى فيه غوله
لقينا الغول فى بُستانا

يا ريتنا عرفنا للفوله
ما سيبنا الناس تكفرنا

زمان يا جده بالحواديت
و بكره هايحكوا أحزانا

أمانه ما تحكى عن دمعه
فى عين الأم توجعنا

و لا صرخه بعين طفله
ما بين العجز تألمنا

و قولى إبنى مات راجل
و حارب غدر أيامنا

عشان الطيبه تتعافى
و تبنى فى ميادينا

قلوب بالخير هاتتصافى
و شر الناس ما يحزنا

جدتى .. من ديوان على باب الدنيا .. كلمات للـ ‫#‏الشاعرجهادبدر‬