مسحراتي الوطن (الحلقة ( 15 ) للمبدعة ريــــــــــــــــــ صلاح ـــــــــــــــــــــــــم

مسحراتي الوطن (الحلقة ( 15 ) للمبدعة ريــــــــــــــــــ صلاح ـــــــــــــــــــــــــم

الحلقة ( 15 )
.................
دقّيت وصوتي اتنبح
إصحوا دا شهر الصوم
يانايمين ف العسل
رح تاخدوا إيه م النوم
رب العباد ف السما
وصّانا بالعبادات
يا حزننا لو فات
منّا ف صيامه يوم
يانايم اصحى
***
دقّيت وصوت دقّتي
لو ف القبور تصحى
حاضن بإيد طبلتي
والتانيه بالسبحه
يا عاشقين النبي

إحيوا قوام سُنّته
قال السحور بركته
قبل الأدان نصحا
إصحى يا نايم وحّد الرزاق
*** 
مسحّراتي ومين
غيري يصحّيكوا
يا خلق يا نايمين
زادت معاصيكوا
قوموا اذكروا الرحمن
دا الذكر ح يفيدكم
الجنّه بين إيدكم
والمولى يهديكوا
إصحى يا نايم اصحى
.........................................

من كلماتي 
ديوان 
مسحراتي الوطن 
ريــــــــــــــــــ صلاح ـــــــــــــــــــــــــم