مسحراتي الوطن (الحلقة ( 16 ) للرائعة ريــــــــــــــــــ صلاح ـــــــــــــــــــــــــم

مسحراتي الوطن (الحلقة ( 16 ) للرائعة ريــــــــــــــــــ صلاح ـــــــــــــــــــــــــم

الحلقة ( 16 )
.................
إصحى يا صايم 
وحّد المتعال
دي الأشيه معدن 
والرزق رزق حلال
أنا جي وبطبلتي
ع الخير باصحّيكم
وباغنّي أساميكم
بالطبله والموّال
يا نايم اصحى
***
الأرض أرضي والبحر بحري
والحسنه للصايمين
يا نيل بتجري يا خوفي تجري
وتروح لناس تانيين
زمن العجايب والكل جايب
حبّة كلام وخلاص
أرض المحبّه محتاجه حبّه
تطرح شجر إخلاص
مش كل ساعه عاملين إذاعه
وما فيش يا خلق جديد
مصر البهيّه تصبح عفيّه
من غير كلام أناشيد
فضّوها سيره وبلاها حيره
وشوفولنا حل صحيح
يا خوفي نيلنا يجف واحنا
نايمين مع التصاريح
يانايم اصحى
...........................................

من كلماتي
ديوان
مسحراتي الوطن
ريــــــــــــــــــ صلاح ـــــــــــــــــــــــــم