فص ملح _ شعر بقلم / أمال عبد الحميد

فص ملح _ شعر بقلم / أمال عبد الحميد

***** فص ملح *****
خطت عينيا عالطريق
بين خطوتين
خطوة أمل و المستحيل
من حب ، لأ بركان حريق
و الموت جريء
و عينيا حابسة دمعتين
دمعة قلق وليل بطيء
سألت كل الطيبين
و صفولي حبة عرافين
من كل ملة و كل دين
قالوا حاجات قلبي وقع
مش بقتنع
فدخلت جامع كان كبير
أصلي فيه لو ركعتين
و دخلت أولع شمعتين
بالزيت ف دير
و رميت فلوس
و دعيت ف بير

كملت مشي في سكتي
و عينيا حابسة دمعتي
خد من ايديا شنطنتي
راجل عجوووز
بص ف عينيا وهز راسه
سألته تعرف قال يجوز
بس اسألي وشك بشوش
قلت الحبيب غايب عليا
قال غمضي قولي اللي
شيفاه فالوشوش
غمضت عيني و قلتله
برخي الرموش
و ف حضنه بغرق
لأ ببوش
برسم شفايفي فوق
جبينه بالرتوش
و بعيش غرام فالعمر
كله معشتهوش
في خيال ضلام بيشده
مني مش قادرة
أحوش
لكن قوام سكت الكلام
فتحت عيني ملقتوش
قال الجواب بحروف
سراب
كان فص ملح ف ثانية
داب
و دموع عينيا عالطريق
و الشوق غريق
بين خطوتين خطوة أمل
و المستحيل ..
***** كلماتي *****
آمال عبد الحميد