قال إيه .. للرائعة فاطمة عقل

قال إيه .. للرائعة فاطمة عقل

قال إيه ..

قال إيه . الجدع قلبه إتوجع 

ولِسه باقى على دنيتى 

وإنه لِسه مخبى فرحتى !

قال غصب عنهُ . هيممىء 

توهت منه !

وشوفت البُكا مالى عينيه 

ده انا روحى كانت بين إيديه

وطبيعى اطبطب عليه واسامحه!

طب قلبى ده اللى بإيده جارحه ؟

مبقتش عايزة محبتك . يادى الجدع 

راحت خلاص معزتك 

وتحرم عليا محبتك 

خرجت بعيد عن دنيتك

ودنيتى خلاص نسيتك 

كنت فين ؟ أيام ما كانت 

بتناديك وتناجيك ..

أحلامها كانت فى عينيك

وعيونى قمرة تنور لياليك

كتبت " الفراق " بخط إيدك

تضيعنى ؟ وانا كنت يوم عيدك!

وقت ما حسيت حضنك أمان 

كان يا خسارة الحب هان 

صعب اقولك انك غالى 

وانك شاغل كل كيانى

ولا تيجى تدق باب بالى 

وتقولى انتى وحشانى 

صعب تعود رحلتى بيك

والأصعب إنك تلقانى 

انا مش لعبة بين إيديك

تغضب تهجر . وترجع تترجانى 

إنت خلاص خارج وجدانى 

إنسى أشواقى وحنينى ..

بقلمي: فاطمة عقل