ورق الشجر _ بقلم سمير فرج عبد القادر
السلام عليكم ورحمة الله تعالى وبركاته
ورق الشجر
................
شبابيك هواكى
اتقفلت بدرى
وانا قلبى لسه ...
فى انتظار بدرى
نفس المكان
لسه هناك شطين
النخلتين ...
عصفور كنارى حزين
بيّاع بيهدى الفل ...
والياسمين
وعيون عجوزه ...
بغنوة الحالم
"ذكرياتٌ عبرت أفق خيالى"
بتفتش الماضى
وتبعتر الأوراق
نفس المكان ...
مشتاق
بين اللقا .. والمنتهى
حلمين على سكة سفر
بُعد المسافه مبعتره ...
ورق الشجر
......................................
سمير فرج عبد القادر
(غنوة الصباح والمساء )
نسخ الرابط | |
نسخ للمواقع |