على ذكراه _ بقلم رمضان العلالقة

على ذكراه

********

بيعذبني بقولة لاءة

و يريحني بكلمة أه

مهما كوتني النار و الفرقة

قلبي و روحي تملي معاه

يا للي رميتوا السهم سبوني

حب الروح ما أقدر أنساه

هو جميل و النور لعيوني

هفضل عايش على ذكراه

حتى نجوم السما سألوني

قلت في روحي كمان بلقاه

يا ما الناس قالوا وصفولي

حب الدنيا جمال و حياة

مش هنساه على إيه تلموني

هو حبيبي و عمري فداه

كل الدنيا جمالها عيونها

و اللي أفهمها بدوب ف هواه

أحلام عمري معاه و بعيشها

بسرح فيه و بطير ف سماه

هى الروح و بعيش أحساسها

و بيحرصها أنيني و آااااه

******************

بقلمي رمضان العلالقة