من أى..ميدان.. بقلم القدير إبراهيم القاضى

ةةة...من أى..ميدان...ةةة

****...****

بدى الهدمه وكسرة عيش..

جبنه قريش..وخياره وفول

بدى أماره إنى ..بعيش 

زى الخلق العايشين دول 

ضحكه تطرى عليا الخيش..!

بكره يجينى ..شايل نول

شايل فرشه وفاس وأفيش..

مفتاح ..يفتح باب مقفول

يفتح طاقة نور ف قلوبنا..

يوصل واصل ..مع موصول

يرسم صورة حد غالبنا..

كل عيوبنا..ومين مسؤل 

نار الفرقه واللى صايبنا..

غل ف غالل ..على مغلول

تعلب غيرنا وبيتعلبنا..!

لما بقينا اخوان ..وفلول

سيبنا بلدنا وبصمة ايدنا..

سيبنا قلوبنا ف كف الغول

....*****.....

لما قفلنا..جحر اسدنا

جه يصطادنا ..كام دبور

احنا الساده وياما سودنا..!

نسقى الدنيا ..علم ونور

ضى العلم ..صنعة ايدنا..

ضى حضاره ..بكل سرور

قاموا ولادنا بعد ما غيبنا..

قاموا بثوره ..ع المستور

على دبان وطاعون يإذينا..

غموا عينينا..عن المكسور

....*****....

لكن قمنا ..ومش قاعدين 

ضد الظلم ف أى مكان..

تخبز ايدنا..كل عجين!

تكنس خوفنا ..من الشياطين

يزرع مرقص ويا حسين ..

تطرح وحده أرض ..فلان

يسقط راجل لأ ..ألفين..

يرجع تانى ع العنوان.!

شايل اسمك جوه العين 

جنب الننى..بكل أمان..

والله يهون الدم علينا !

وانت تعدى أى هوان

ولا أمريكا تفرح فينا

ولا يصطادنا مره جبان!

ياكلوا غدانا ويا عشانا

ياكلوا الوزنه مع الوزان

صوت المرأه ..بيصحينا

يحضر بينا ..من التوهان

م التحرير للخير..عدينا..

انت أمينه ف كل آوان !

حضنك دافى ..ومكفينا

وقلبك ورور على الأزمان...

....*****.....

الشاعر ابراهيم القاضي..2013/1/20