(عتاب) بقلم : [ نبيل الوردانى ]
السلام عليكم ورحمة الله تعالى وبركاته
(عتاب)
كل كلامك كان بعتاب
لما قفلت ف وشى الباب
حتى عتابك
كان على بابك
ظلم عتاب
بس ساعتها
وف لحظتها
كنا احباب
فاكر كل كلامك عنى
فاكر إنك لما تهنى
يبقى عتاب
خانك فكرك
خيب ظنك
حتى كأنك
كنت سراب
مش ح توقع
منك شئ
ولا ح ستنى
تقول دا عتاب
وقتك فات
خدت الفرصه
كتير مرات
واتحملت كتير إهانات
كنت بحاول
إنى أسامح
وامسك سرج
القلب الجامح
لكن قلبك
طاوعك ياما
وتخليت عن كل ما فات
مش ح ارجعلك
مهما كان
ولا ح خضعلك
زى زمان
اصل زمان
كان له اوقات
فيه حكايات
لونسمعها
نفضل معها
باقى العمر
بكل ثبات
فيها الحلو
وفيها المر
بس المر
كتير بالذات
وللى أنا قلته
وانت سمعته
مش كلمات
هى حقيقه
صدرت منك
بس نسيتها
وانا خبيتها
كنت بدارى
عليك أوقات
[ نبيل الوردانى ]
نسخ الرابط | |
نسخ للمواقع |