من قلبها .. للمبدعة : ماجده قناوي

من قلبها ..

الأم عارفة سلوك عيالها

وعارفة امتى تضمهم

لو حد متعصب عليها 

بنظرة واحدة تلمهم 

لو تبكى من قسوة قلوبهم

دا عشان تحنن قلبهم 

لو كان براح الكون حياة 

فهى كون الكون لهم ...

خليك أم ... 

يا صاحبة وحبيبة وسكن 

 قلب الحبيب مشتاق براح 

وكنت له معنى الحياة

وفجأة تاه وسط الجراح

وغصب عنه بينهزم 

وبيلتزم بقانون حياتك

وعشان ما تهدى وتفرحى

بيرضى بعذابه وسكاتك

اياك تبكى وتزعلى 

طول ما القلوب مليانه شوق

ضمى حنينك وافرحى

فى معاد لقا وياه تروق

كل المشاعر والألم 

ومعاه حنينك يكتمل 

لو كان صحيح البعد موت

فازاى بنحضن حلمهم 

خليك أم ...

تعرف بنظرة تضم شوق...

فى صدر عاشق ... حبها .. 

دى الأم تعرف كل شئ.. عن ولدها .. 

.. من قلبها ...

م ا ج د ه

29/12/2016

9:00