قالت كتير / الشاعر سليمان خطاب ***

قالت كتير
---------------------
ما تبصش تانى ورا
وتنادى على روحك
روحك فى اللى جاى
أنسي بقى جروحك
دوس "ع " اللى راح
الشمس " ف " سطوحك
يا قلبي
دِى مش حبيبتك
ولا كانت
دى كدبة ويّا الدموع
سالت
قالت كتير انك حبيبها
وف دروبها
ياما قلوب مالت
ليه تصدقها
وتعشقها
وعشاقها
لا أنت الأول
ولا التالت
لا عاد يفرق
لقاها
ولا فراقها
عمر النَّدَى
ما يصحِي
الورده
لو ماتت
لم العتمه م السكه
وازرع بالأمل
بكره
وِصحِى الشَّمس
لو نامت