الليل يطبطب ع العيون.... بقلم / نادية بدري محمد

الليل يطبطب ع العيون.
لكن يخون ..
كل اللي خانه حبيب زمان
هادي تحس انه السكون
وضوضائه ماتسعها آذان
الليل يلاعب بالحنين 
كل اللي قلبه ضاع وتاه 
يعزف بناي الغائبين 
احلام بتوهبنا الحياه 
بعدين يجيب سيرة اللي راح
فجاه يفكر في الجراح
ويا ألف آه
علي العيون السهرانين
الليل سفير الذكريات
يقدر يسافر ف اللي فات
ومن السنين يخادك للحظه معينه
بحزنها وفرحها والامكنه
من ذكري واحده
يفضل يألف في حكايات
الليل ساعاته معقربه 
تلدغ وتقتل من سكات 
.................
بقلمي #نادية_بدري_محمد