**مركب الموت** العم... رضا حسب النبى

**مركب الموت**

يا مركب الموت ليه ركبت أنا فيكى

قولت أسافر أدور على شغل

طب ليه يابلدى مافيش فيكى

قولت أشتغل وفى الأخر أرجع أنا ليكى

ولما ارجع يبقى الخير هيعم عليا وعليكى

ولو حد فكر يخونك بروحى أنا افديكى

ومن جوه قلبى بدعيلك يارب يخليكى

كنت ناوى اشتغل وأجيب فلوس

لكن الموت كان أسرع وخد كل النفوس

وضاع شقى عمرى وعمرى عشان أسافر

ضحكو علينا والعمل ده مايعملوش كافر

كنت عارف ان الحريق متعلق بطفاية

وانا الغريق وفيها كنت متعلق بقشايه

يا ريت كنت انا لوحدى فيكى الضحية

ومش معايا أخويا وأبن عمى وكمان مالهمش ديه

وسبت لأهلى من بعدى دين وحملتهم الآسيه

العم... رضا حسب النبى