مولاتي *** للشاعرة نرجس عمران (سوريا)

مولاتي

عا جبين المجد
حُروفك غلّي
قناديلك منارة مضواية

ياحلوة الحلوات يلّي
بمحضر التاريخ
حلاكي حكاية

زغردي يافرحة
وهللي
لعرس العز
سوريا حكاية

جناح البطولة
رف وعلّي
وحدها خفاقة
بأعلى راية

أُسس النضال
خطّي و رسّي
إنتِ للنضال
سُلالة مصفاية

عالعزم حاجبها
شدّ ولا ترخي
الهزيمة شيمة
ابن حرباية

تلميذ بالمرحلة
بعدك يا ابني
سوريا منهج
كامل وغاية

صلّي وزيد
الصلاة عالنبي
نحنا الكحل
والعيون هي

اذا بالورد
رموكي يا دلّي
احتدمْ الوطيس
بداية النهاية

السين ..
سيف حق عالخصر زنري 
التاء... 
تلبسك تاجنا المحلي 
الواو ...
وحدة شعار أبي وجدي 
الراء ...
ربينا إخوة شامي ومغربي 
الياء… 
ياقوت عيونك سبحانك يا ربي
التاء… 
ترابك مزكى بطهر دمنا
عطور وهربانة من الجنة 
السلام 
سلم مجد غيرو خُطانا مابتعدي