عزف الوجع * محمد عامر الشاعر
السلام عليكم ورحمة الله تعالى وبركاته
.......#عزف الوجع
بيكون حاجات متأخرة
او دمعة نازلة مكدرة
أو صوت بيصرخ من سكات
أو روح بتحكى لقلب مات
مش هو ده عزف الوجع؟؟
د القلب مش حق انتفاع
مش سلعة وقف لقلب ضاع
مش لهفة فينا لحد باع
كل الحكاية فى الجمل
نرسم ورود آه محتمل
نضحك أكيد لو فيه أمل
نفضل نعيد ف الزكريات
ونعد ضحكات السكات
نتمنى نرجع للحياة
لكن خلاص ده القلب مات
كل الدموع اترتبت
علشان تكدر فرحتى
عزف الوجع مركون هنا
والحزن غنوة ف دنيتى
معروف أنا من كام سنة
إن الوجع من دمعتى
بيحط قوانينه هنا
راسم طريقى وسكتى
وساعت بنسكت م الوجع
وساعات بنصرخ لو رجع
وساعات نموت وساعات نعيش
والقلب يهرب لو سمع
ضحكة فرح
معذور لإنه من زمن
اتهد حلمه وانجرح
طاب مين هيعرف أو يحب
مجنون خياله معاه سرح
إن الحياة بتجيب أمل
أو ورد عمره معاه طرح
أو لو طرح........
هيكون حنين أو زكريات
أو حاجه باقية لماضى فات
مكتوب عليها تندفن
على غنوة مش متلحنة
أو فيها من عزف الوجع
نسخ الرابط | |
نسخ للمواقع |