@@@أه من قلبك@@@ للشاعر وليد النميري

@@@أه من قلبك@@@
أه من قلبك الصخر العنيد القاسي*
أه من قلبك اللي خلاني فحبك أقاسي*
أه من قلبك اللي نساني أهلي وناسي*
أه من قلبك اللي لحبي ناكر وناسي*
أه من قلبك
صحيح ياحبيبي بحبك وبدوب دوب في حبك*
بس مش قادر علي ظلمك وقسوة قلبك*
ياريت أقدر أنساك وأنسي عشقي لحبك*
لكن أكدب لو قولت إني أقدر أبعد عن دربك*
أه من قلبك
اللي مش حاسس باللي أنا فيه من تيه وهيام*
وعارف إنك هتحس بحبي بس بعد مرور الأيام*
وساعتها هتندم وهتجرب ما كواني من نار الألام*
وهتتمني وقتها لو ترجع تاني بيك الأيام*
وتلاقي حبي وتمشي في دربي لوحتي لحظة في الأحلام*
أه من قلبك
اللي علمني أدوب وافضل مع القمر سهران*
وأعيش عمري وأنا في حبك حزين حيران*
وخد قلبي وجرحني وخلاني أتوه هيمان*
ونساني خلاني وبكاني وسابني حطام بقايا إنسان*
أه من قلبك
أه من قلبك ومن ناري في بعدك عني اليوم*
أه من قلبك وأه منك وأه من حبك من غير عتاب ولا لوم*
أه من كل لحظة أه من كل ذكري وأنا في حبي معاك مظلوم*
أه من سهر الليالي أه منك يا غالي وأه يا عيني ماشوفتي النوم*
أه من قلبك
أه من قلبك وياريت أنساك وأنسي عشقك وحبك*
أه من قلبك لو كان يوم حبني زي أنا ما بحبك*
أه من قلبك لو تنسيني قسوتك وظلمك وهجرك*
لكن أرجع تاني وأقول غصب عني ياحبيبي بحبك*
وأقول يا ظالمني ياقاسي أنا عشت العمرفحبك*
وإنت مجافيني وبنار حبك كاويني في قربك أو فبعدك*
ياريت تحس بيا وتحن في يوم عليا ويرق مره قلبك*
تحياتي
وليد النميري