عنبيتنا / بقلم - صفاء عبد ربه

عنبيتنا / بقلم - صفاء عبد ربه

عنبيتنا

تكعيبة عنبيتنا
كان ليها معايا حكايه
كانت أمي زرعتها 
وقالت أهي تكبر ويايا
وكبرت عنبيتنا
وفروعها إمتدت
وليا كانت ضلايه
تكعيبة عنبيتنا
حكايتها معايا حكايه
كنت أخد عناقيدها
وأخبيها ورايا
تيجي أمي وتشوفها
تفرح وتقول .....
إمتي تكليها يامنايا
وتطرحي زي طرحتها
عناقيد مليانه صبايا
لاجل ماتكبر لمتنا
ويعبدوا الرب معايا
وكبرت .....
وأمي كانت دعيالي
كانت عناقيدها
بتكبر ماليه حشايا
وكبرت لمتنا
وعيلتنا بقت حكايه
ماهي دعوة أمي مقبوله
ورضاها هوا رضايا

بقلمي
صفاء عبد ربه