انا حاسة (بقلم) هدى مشاق

انا حاسة  (بقلم) هدى مشاق

انا حاسة 

ببنت صغيرة لسة 

بتنقش حلمها فيا

وتتشوق لحنية

وتتمنى ..

تضفر حلم جواها 

مع سنين عمرها الجاية

وتتحرك مشاعرها 

بنظرة عين

تغمض عينها مكسوفة

وتطرح لون على الخدين 

خجل أحمر

وتتأثر.. بكلمة حلوة تسمعها

تفرحها

يزهزه عمرها الاخضر

يزيد نبضه كمان أكتر

وتتلون أحاسيسها 

بمليون لون

وما يساعها الوجود والكون

أنا حاسة ..ان انا هيا

انا بنت امبارح لسة

بريئة وصافية النية

وحلمي ..

اني اتنفس نسيم روحى 

واﻻقى جزء من روحي

بيسكني 

حياتي لما اكون وياه

وموته ف الفراق عني

واخبي عنه احساسي 

فيلمحني

ويسكت فينا اى كﻻم

وتتكلم لغات العين

وعينى كإنها مرايا

مشاعري الصادقة جوايا

واضحة بين خﻻيا الروح 

وف النني

‫#‏هدىمشاق‬