ذكريات / هدى غريب
السلام عليكم ورحمة الله تعالى وبركاته
ذكريات / هدى غريب |
ذكريات
واقفين في شرفة الزمن
علشان نفكر في اللي فات
ساعات فرح وساعات شجن
جوه شريط الذكريات
لحظات سعادة بنبتسم
احساسنا بيها عمره ما مات
وايام حزينة ف جرحها
ودموع بتصرخ م الاهات
لساني،عايشه في ضعفها
وياريتني اخرج م السكات
اخدت سنين احلي مافينا
ماسابتش غير حبة حاجات
ماسابتش غير دمعة ف عنينا
مدفونه جوه الذكريات
مين فيكم مابناش في حلم
قصور وعاش فيها حكايات
واهو كله عدا وما اتنسي
لساني عايشه الذكريات
هدي غريب
نسخ الرابط | |
نسخ للمواقع |