لساه قلب الحلم موجوع // للمبدعة سامية عبدالرحيم

لساه قلب الحلم موجوع  // للمبدعة سامية عبدالرحيم

لساه قلب الحلم موجوع 
لساه غرقان ف الدموع
متحرمة الضحكة على الشفة 
والإيد فيها شوك مزروع
عاوزة تلون أو تصقف 
وازاي ترسم والقلم مهزوز 
لساه خوفي ملو روحي 
لساه قلبي نبض مش مسموع
طاير كلام الليل وقته مش طويل 
والعمر لحظة لو نسيتها تضيع
يا قطر ياللي في خطاويك القصص 
غني مواويلك على ناي الخشوع
يمكن تهدي فكر ركابك وينسوا 
إن القدر سيف الوجع حده دموع
إن سكته مهما رسمتلها متتلونش 
زي الصحرا ملهاش ضل
وان كلمته واحده مفيهاش الرجوع 
حكاية قدر
سامية عبد الرحيم