((( وسامحينى ))) للمبدعة غنية عبدالرحمن اسماعيل
السلام عليكم ورحمة الله تعالى وبركاته
((( وسامحينى ))) للمبدعة غنية عبدالرحمن اسماعيل |
((( وسامحينى )))
وعدتك ياحبيبتى
يوم
بميت حاجة
منفذتش
وليه وازاى أنا
بالوعد
مقدرتش
وليه جواى أنا
مكسور؟
وليه مهزوم
وليه خايف
وليه العمر متبعتر
منا شايف
حياتى عايشها
غش ف غش
أنا محقوق:
رسمت لك حياة
وردى
وانت ياروحى
صدقتى
عشان قلبك
حنان
صافى
وكنت علىّ
بتخافى
ونا دايما اشوف
الضلمة قدامى
اقول دا نور
وليه السكة
وخدانى
ف ليل طالم
ولا عارف شمال
ويمين
وليه ياعقلى
مفهمتش
فسامحينى
لأنى ف يوم
وعدتك يوم
ومقدرتش
لأن الخوف سكن
روحى
وف قلبى بناله
عش
وليه جوايا تنهيدة
بطول العمر
مابتسكتش؟؟
غنية عبد الرحمن
نسخ الرابط | |
نسخ للمواقع |