آه ياجماله .. ( غنائية ) .. للشاعر بهاء الدين بدوي
السلام عليكم ورحمة الله تعالى وبركاته
آه ياجماله .. ( غنائية ) ..
آه ياجماله .. ( غنائية ) .. للشاعر بهاء الدين بدوي |
~*~*~*~*~*~*~*~*~
أنا ليّا حبيب مشغول بيّا
وأنا مشغول بيه
من كتر الشوق والحنية
سهران أناديه
والقلب يدق ويتمايل
على صوت خطاويه
وإن يوم أو ساعة يغيب عني
ألقاني محتار
والجنة اللي انا عايش فيها
تتحول نار
وألف وأدور حوالين نفسي
ليل ويّا نهار
وإكمن حبيبي اللّي بأحبه
أسمر وجميل
وعبير الورد اللي في خده
دا مالوهش مثيل
يتمرمر قلبي أما أشوفه
يخطر ويميل
ياجماله يادلاله لما يعدي
زي الغزلان
ويمر عليّا ويهدِّي
أعزف ألحان
والناس يقولوا لي إبعد عنه
دا مالوهش أمان
وأنا أرد وأقول مهما تقولوا
أنتم عُزّالي وعُزالُه
رُوحُوا حبوا زينا وتعالوا
حتحسوا بحالي وبحاله
دا الحب جميل آه ياجماله
آه ياجماله آه ياجماله ..
~*~*~*~*~*~*~*~*~
مع اطيب تحياتي / ..
بهاء الدين بدوي خاطر
نسخ الرابط | |
نسخ للمواقع |