أيوّا أنا سَامعة / للشاعرة المبدعة رضا عبدالوهاب
السلام عليكم ورحمة الله تعالى وبركاته
 |
أيوّا أنا سَامعة / للشاعرة المبدعة رضا عبدالوهاب |
أيوّا أنا سَامعة قول من تانى
قولها وحلَّلى معَاها زمانى
قوللى بحبك,, قوللى أناعاشق
قوللى : الدنيا فى بُعدِك قَاسية
والأيام صَبحت بالعافية بتعدى
وتحت قدامى,, طريق متفارق
قوللى : هترجع مش راح تبعد
ولا عن قلبى ,,,...يوم هتفارق
أنا طماعة..... أيوّا ومالُه
طمعانة فى حُبك ,,,وف قلبك
وإنى أكون,,,,, كل حبايبك
ما أنا ياحبيبى,,, هكون أبقالك
أيوا تعالى ,,,,خَللى عيونك
تُحضن عينى مش راح أقبل
إنى أكون فى حياتك,,, حَالة
حالة وعَدت أو حدوتة وتخلص
لا لا ..مِد كفوفك,, ابعد خُوفك
ولا تهتم ,,,بأى قوالة..عايش
أيوا أنا عايش بس زى ماأكون
ميت طول عمرى وأما قابلتك
قلبى اتحول صبحت ليه فى
الحب علامة..,,.جَى تقولى
إنتِ إتأخرتى وزمانِك مُش يحضَر
بَدري مين كان يِدرَى لو كُنت
قابلتَك من بَدري,,, ولا عُمرك
هتحس بقلبى.. أيوا بقولها إنت َ
سامعهَا ..كلمة حروفها سَاكنة
فى قلبى واما جه الوقت أوانها
قلت ومين غيرك فى الدنيا
يستاهل... إنى أقولهاله
أيوّا,,,,,,,بحبَك
| نسخ الرابط | |
| نسخ للمواقع |
0 التعليقات
