زى النيل بالليل بتكسرى (بقلم) هانى آدم

زى النيل بالليل بتكسرى 

زى النيل بالليل بتكسرى (بقلم) هانى آدم

كل مجاديف الأحلام

عمرك ما ف مره طاوعتينى
نجدف سوا بعزيمه قدام

مع إنك أول ما تحنى
بتخلقى م الأحزان لوحات

بتعملى للمركبة جناحات
بترمحى فيا بعزم صبيه

بتعشق فى الفارس الصلوات
و بتتهجى ف عشقه هيام

ليا حق أتجنن و أسأل
معقوله كل دا يطلع منك

معقوله بتحبينى مع إنك
كل شويه تغيبى دا حرام

كل ما نتفق المره دى
نعيش سوا غنوه ما تنتهيش

بتكسرى مجاديف الحلم
تقفلى جناحاتك م الهم

و تغيرى ريتم الأغنيه
فجأه حزاينى بطعم صبيه

مش لاقيه فارسها الهمام

زى النيل بالليل بتكسرى
كل مجاديف الأحلام

‫#‏هانى_آدم‬