متســأليــش حبيتــك أمتـــى ( كلمات الشاعر / سيــد الــدابـى الأبنوبــى )
السلام عليكم ورحمة الله تعالى وبركاته
***** متســأليــش حبيتــك أمتـــى *****
بحبـــك ومش قادر أعتــرفــلك
خايف يا قلبــى أخســرك
وتضيعى مع الأيام
وعنى تبعدى
بعد ما كنتى اقرب قريب
وأندم أنى فى يوم عشقتك
واعيش وحدى فى الدنيا غريب
وانتى حياتى ودنيتى
يا أغلى حبيب
خلاص ح اسيبك
من غير عتاب
ولا لحظة فيها تتآلمى
ولا لحظة تعيشى فى العذاب
ح سيبك خلاص قبل متعرفى
ولو فى يوم عرفتى الحقيقة
وحسيتى بىّ فى ليلة سهر
بعد مايطول الغياب
والقمر يسألك علىّ
متزعليش ولا تندمى
ومتسأليش حبيتك أمتى
واذاى وليه
حبى ليكى اتولد
لحظة صفا من غير ميعاد
لحظة ماشوفتك
نسيت نفسى ودنيتى
نسيت الثوانى
والدقايق والساعات
خدتنى عينيكى بسحرها
توهتنى فى دنيا تانيه
سحر أجمل من الخيال
والشفايف دوبت فيها
ورد أحمر والخدود
شوقى ليها عدّى الحدود
عشقت الليل وسواده
فى لون شعرك
ويهل الفجر بعبيره
يحضنى نسيم عطرك
وصبح منور على جبينك
وصعب علىّ توصيفك
ولاجل جمال روحك
أنا يا حبيبتى حبيتك
**********************************
كلمات الشاعر / سيــد الــدابـى الأبنوبــى
( حقوق الملكية والنشر محفوظة )
نسخ الرابط | |
نسخ للمواقع |