ماموتش ليه - بقلم / احمد صبري

ماموتش ليه

احمد صبري

-

-

إردم على كل الحاجات

وحتى قلبك كفنه

إرسم قبور للزكريات 

كل اللي فات إدفنه

ويلك من كل الناس

إللي منك إتمكنه

الوجع اكبر إحساس

مهما تحاول تسكنه

-

تحت تراب الحياه 

جمع خيوط الماضي

دوس الندم إنساه 

كان كله ع الفاضي

هي حياه وبتعدي

مين بيها كان راضي

ظلم وعند وتحدي

باع ذمته القاضي

-

حكم على المظلوم 

حياته ما يعيشهاش

خرم عنين محروم

حقوقه ما يشوفهاش

ماموتش باقيلك عمر

ولا نصيبك مجاش

طلع الحنان بيمر

وياريته كان ببلاش

-

صحيح الكل نسيك

ولا حد قال فينك

قلبك يرد عليك

عارف انا عيبك

اقرب ماليك باعوك

ضاعت منك سنينك

كل اللي بيحبوك

هما إللي واجعينك

-

هتعمل ايه يا ملاك

والشيطان هو الزعيم

كاتم كتير جواك

شايف سواد تعتيم

العرض زي الغول

وضميره مش سليم

وطول العمر اقول

ربنا قادر وكريم