قلبي حزين...// للمبدعة هدي غريب

قلبي حزين...// للمبدعة هدي غريب

قلبي حزين...

ازاي عايزاني اصدقك..

وشمسك ضلمت يومي..

جوايا حاجه بتعشقك..

بحضنك....ليه ذاد همومي...

مقدرش قلبي يكرهك..

وانتي اللي دايما تظلميني..

كل اما الاقي نفسي

تجري في يوم عليكي..

اشوف هواني وذلي فجأه 

بانحني....اكرهني فيكي..

اكره النبض اللي كان ينبض باسمك..

اكره القلب اللي فكر يوم وحبك..

القاني برجع واسآلك هو انتي ايه.. 

قلبي اللي حبك..انتي ليه قاسيه عليه..

لاقيتي حد غيري بيعشقك..

حد حبك.. حد عمره ما جرحك..

دفعت فيكي عمري..

وهان عليكي دمي..

كسرتي الحلم فيا... 

وجنيتي كتير عليا..

بصرخ بعلو صوتي..

وياريتك حاسه بيا..

المر رضعته منك... 

والصبر شبعته فيكي.. 

وازاي اعطش في ارضك. 

وانا دمي ف يوم راويكي..

طب يامو الطيبين..

ردي وقولي... ابقي مين..

ضميني جوا حضنك..

خبيني جوا قلبك.. 

لمي اللي باقي مني.. 

لساه قلبي حزين..

هدي غريب