إفتح احضانك للوردة // للمبدعة فاطمة عقل

إفتح احضانك للوردة  // للمبدعة فاطمة عقل

إفتح احضانك للوردة 

ليه بإيدك تلمس أشواكها ...

دى كانت على حبنا شاهدة..

قوم حِس حنينها وأشواقها 

اهمس وبرقة على غصونها

حرك مشاعرها لكن صونها ..

واحميها من كل ظنونها

إرويها بحب واخلاص

ليه تسمع لكلام الناس !...

حسسها تملي بحضن إيديك ....

خليها تعيش تعشق اراضيك....

ده الحب ما نعرف يوم نداريه 

والشوق لو مات طب أيه يحييه ؟..

أوعاك لـ في يوم تقسى عليّا 

وتقول اهي قصة ومنسية

وإن كنت خلاص ليا كارهنى ...

ونويت يا حبيبي تجرّحنى !

راح اقولك عيش يا أعز الناس...

يا نصيبي وعمري انت وقدرى ..

علشانك اشرب مر الكاس...

واتغرب واتعب طول عمرى ...

بقلمي / فاطمة عقل .