عرس الشهادة ,,,// للمبدعة زهية بيطار
السلام عليكم ورحمة الله تعالى وبركاته
قصيدة م
هداة إلى أرواح شهداء طرطوس الذين عادوا في
 |
عرس الشهادة ,,,// للمبدعة زهية بيطار |
هدايا من ألم ستورق حدائق من ورد وريحان وياسمين ,,,,,,
عرس الشهادة ,,,
زغردي أم الشهيد وعلّي الآآآآآآويها
أنا جايي ياحنونه دموعك كفكفيها
جيتك بالعلم ملفوف ياميمتي
بعد ماكنتِ ساعات اللقى تعديها
حضري الورد والرز والريحان
وكمشي من تراب الوطن رشيها
بلهفة العاشق صديرك حبيت ضم
واشكي وجع نفسي كنت عانيها
واسمع كلمات الرضا الحلوه
من قلبك صبح ومسا تقوليها
ودياتك تضمني ضمة طفل
وشمشم ريحة تراب الوطن فيها
أنا مرتاح ياميمتي ,,,,
مرتاح إني شفت فيك الأرض
اللي ريحتا ماراح أبد انسيها
لما حبة تراب مبللة بالدم ضميت
وقلت يارب ,,,, يارب , بلادي احميها
,,,,,,
سلمي ياميمتي ع بيي اللي كتير رباني
ع محبة أرض بدموع العين كان يسقيها
ع بنت جيراننا الحلوة
اللي كانت ناطرة رجعتي ت َتخطبيها
عَ رفاق الطفولة والجيران
عَ التينه والداليه اللي بايدك زرعتيها
عَ الزهره اللي عشقت فيها النور
ع َالسنديانه اللي كنت حب حاكيها
سلمي على سطيحات ضيعتنا
وسهراتها الحلوة وأيام الهنا فيها
ازرعي جنب قبري زهرة بيلسان
تَ ريحتي صبح ومسا تشميها
ارفعي راسك وقولي ابني شهيد
تراب سورية بدمنا الغالي منسقيها
زهية بيطار
| نسخ الرابط | |
| نسخ للمواقع |
0 التعليقات
