شقشقات الروح _ زين العابدين خضر

شقشقات الروح على النسيم والندى

والحلم فارد شُعاعُه فوق جبين الكون

البحر .. والأرض .. والسما

والناس المُغرمين بالحياه مثلي أنا

للروح صباح زى اللى ف عيون حبيبتى

ساعة ماشوفها القلب يعزف ع الوتر

.

ساعة ماتعدي الشمس الروح تسلم للشروق

تفتح مسام العشق .. تعشق الدفء وهواه

مالناش غروب طول ماحنا عايشين ف الحياه

الموت مش طلوع الروح من جسد 

بعدها حيكون رفات

الموت موت الكلام على اللسان والافئدة

سطور بتخلي من الحروف اذا ما جف المطر

.

حبيبتى فى عيونها الكُحل بيغازل عُمرى وسنيني

رموشها عود أوتاره مشدوده وبتعزف نشيد

بينه وبين الروح ميثاق شرف زى تحية العلم

زى الضيا لما بيسرق نظرتي 

ويرميها على سطح القمر

جواها سحر الكون بحاله جامع الليل والنهار

فى ساحة العشق لما بيجبرنا القدر

.

زين العابدين خضر